Hanuman Ashtak English
Baal Samay Rabi Bhakshi Liyo Tab Tinhu Lok Bhayo Andhiyaaro l
Taahi So Tras Bhayo Jag Ko Yeh Sankat Kaahu Sau Jaat Ne Taaro l
Devan Aani Kari Binti Tab Chadi Diyo Rab Kasht Nivaaro l
Ko Nahi Jaanat Hai JagMein Kapi Sankatmochan Naam Tihaaro ll1ll
Baal Ki Traas Kapis Basey Giri Jaat Mahaprabhu Panth Niharo l
Chaunki Maha Muni Shaap Diyo Tab Chahiy Kaun Bichar Bicharo l
Kay Dwij Roop Livaya Mahaprabhu So Tum Das Ke Sok Nivaro l
Ko Nahi Jaanat Hai JagMein Kapi Sankatmochan Naam Tihaaro ll2ll
Angad Ke Sang Len Gaye Siya Khoj Kapis Yeh Bain Ucharo l
Jivat Na Bachiho Hum So Ju Bina Sudhi Laye Iha Pag Dhaaro l
Her Thakey Tat Sindhu Sabey Tab Lay Siya-Sudh Pran Ubaaro l
Ko Nahi Jaanat Hai JagMein Kapi Sankatmochan Naam Tihaaro ll3ll
Raavan Traas Dai Siya Ko Sab Raakshashi So Kahi Sok Nivaaro l
Taahi Samay Hanuman Mahaprabhu Jaaya Maha Rajnichar Maaro l
Chahat Siya Asok So Aagi Su Dai Prabhu Mudrika Sok Nivaaro l
Ko Nahi Jaanat Hai JagMein Kapi Sankatmochan Naam Tihaaro ll4ll
Baan Lagyo Ur Laxman Ke Tab Pran Tajey Sut Ravan Maaro l
Ley Grah Baidya Sushen Samet Tabey Giri Dron Su Bir Upaaro l
Aani Sajeevan Haath Dai Tab Laxman Ke Tum Pran Ubaaro l
Ko Nahi Jaanat Hai JagMein Kapi Sankatmochan Naam Tihaaro ll5ll
Ravan Judh Ajaan Kiyo Tab Naag Ki Faans Sabey Sir Daaro l
ShriRagunath Samet Sabey Dal Moh Bhayo Yeh Sankat Bhaaro l
Aani Khages Tabey Hanuman Ju Bandhan Kaati Sutraas Nivaaro l
Ko Nahi Jaanat Hai JagMein Kapi Sankatmochan Naam Tihaaro ll6ll
Bandhu Samet Jabey Ahiravan Ley Ragunath Pataal Sidhaaro l
Debihi Puji BhaliBidhi So Bali Deoo Sabey Mili Mantra Bichaaro l
Jaaya Sahaya Bhayo Tab Hi Ahiravan Sainya Samet Sanhaaro l
Ko Nahi Jaanat Hai JagMein Kapi Sankatmochan Naam Tihaaro ll7ll
Kaaj Kiye Bad Devan Ke Tum Bir Mahaprabhu Dekhi Bichaaro l
Kaun So Sankat Mor Garib Ko Jo Tumso Nahi Jaat Hai Taaro l
Baig Haro Hanuman Mahaprabhu Jo Kuch Sankat Hoey Hamaro l
Ko Nahi Jaanat Hai JagMein Kapi Sankatmochan Naam Tihaaro ll8ll
Doha
Laal Deh Laali Lase Aru Dhari Laal Langoor l
Bajra Deh Daanav Dalan Jay Jay Jay Kapi Soor ll
हनुमान अष्टक हिंदी
बाल समय रबि भक्षि लियो तब तीनहुँ लोक भयो अँधियारो।
ताहि सों त्रास भयो जग को यह संकट काहु सों जात न टारो।
देवन आनि करी बिनती तब छाँड़ि दियो रबि कष्ट निवारो।
को नहिं जानत है जग में कपि संकटमोचन नाम तिहारो॥१॥
बालि की त्रास कपीस बसै गिरि जात महाप्रभु पंथ निहारो।
चौंकि महा मुनि साप दियो तब चाहिय कौन बिचार बिचारो।
कै द्विज रूप लिवाय महाप्रभु सो तुम दास के सोक निवारो।
को नहिं जानत है जग में कपि संकटमोचन नाम तिहारो॥२॥
अंगद के सँग लेन गये सिय खोज कपीस यह बैन उचारो।
जीवत ना बचिहौ हम सो जु बिना सुधि लाए इहाँ पगु धारो।
हेरि थके तट सिंधु सबै तब लाय सिया-सुधि प्रान उबारो।
को नहिं जानत है जग में कपि संकटमोचन नाम तिहारो॥३॥
रावन त्रास दई सिय को सब राक्षसि सों कहि सोक निवारो।
ताहि समय हनुमान महाप्रभु जाय महा रजनीचर मारो।
चाहत सीय असोक सों आगि सु दै प्रभु मुद्रिका सोक निवारो।
को नहिं जानत है जग में कपि संकटमोचन नाम तिहारो॥४॥
बान लग्यो उर लछिमन के तब प्रान तजे सुत रावन मारो।
लै गृह बैद्य सुषेन समेत तबै गिरि द्रोन सु बीर उपारो।
आनि सजीवन हाथ दई तब लछिमन के तुम प्रान उबारो।
को नहिं जानत है जग में कपि संकटमोचन नाम तिहारो॥५॥
रावन जुद्ध अजान कियो तब नाग कि फाँस सबै सिर डारो।
श्रीरघुनाथ समेत सबै दल मोह भयो यह संकट भारो।
आनि खगेस तबै हनुमान जु बंधन काटि सुत्रास निवारो।
को नहिं जानत है जग में कपि संकटमोचन नाम तिहारो॥६॥
बंधु समेत जबै अहिरावन लै रघुनाथ पताल सिधारो।
देबिहिं पूजि भली बिधि सों बलि देउ सबै मिलि मंत्र बिचारो।
जाय सहाय भयो तब ही अहिरावन सैन्य समेत सँहारो।
को नहिं जानत है जग में कपि संकटमोचन नाम तिहारो॥७॥
काज कियो बड़ देवन के तुम बीर महाप्रभु देखि बिचारो।
कौन सो संकट मोर गरीब को जो तुमसों नहिं जात है टारो।
बेगि हरो हनुमान महाप्रभु जो कुछ संकट होय हमारो।
को नहिं जानत है जग में कपि संकटमोचन नाम तिहारो॥८॥
दोहा
लाल देह लाली लसे अरू धरि लाल लँगूर।
बज्र देह दानव दलन जय जय जय कपि सूर॥